Khlad kyndit u MDC barim ka Laitkroh

Shillong, 06 Iaiong:  
U MDC barim ka Laitkroh u Bah Carmel Sohtun u la khlad kyndit noh mynta ka janmiet ha iingsah jongu ha Pom lakrai hadien ka jingban ka jingshitom.
U Bah Sohtun u la dap 41 snem. U Bah Sohtun u ieh shadien ia I lok bad saw ngut ki khun. U  MDC ka Laitkroh u dei ruh u rangbah Balang Mawbynna Presbterian.
Ka khubor na kiba haiing hasem, u MDC barim u don ka jingpang kaba ktah ia ka met jongu la kumba lai bnai eiei bad u shah sumar ha Dispur Hospital ha Assam.
La wanrah ia u sha shnong ha kane ka sngi Baar na Dispur Hospital shwa ba un khlad noh ha kane ka sngi Nyngkong.
U Bah Sohtun u la shah jied kum u MDC na Laitkroh na ka tiket UDP ha u snem 2009 sha ka KHADC.
U la phet noh na ka UDP bad long MDC shimet haduh ban kut ka por. U Bah Sohtun u la pyniasoh bad ka KHNAM shwa ka elekshon district council ha u 2014 bad u khlem ialeh shuh hadien ba la pynduh noh ia ka Laitkroh.          
U Bah Sohtun u la ieng pyrshah tyngeh ia ka jingpynduh ia ka Laitkroh ha ka por ba u long MDC.