I mei jong u bah Heh Martle N Mukhim, MDC bad MLA barim, I kong Phlin Mukhim iba la don kumba shi spah snem tam ne duna, I la khlad kyndit noh na kane ka sla pyrthei ha ka miet 4 tarik Iaiong 2020 ha ïing sah jongi, ha Mawlai Nongkwar Block-10.
Na ka liang kiba haiing ki la pynpaw ba ha kum kane ka por haba ka pyrthei ka don hapdeng ka jinglong jingman ka bym long ban ia lum ialang, ban ia mih, ban ia iaid ia ieng, ki buh ia kane ka jingkyrpad rit ia kiba ha iing ha sem, ki paralok parajor, kiba ieid ba thoiñ, kiba iadei kam iadei jam bad i mei jongki, ba watla ngi da kwah eh ba phin iadon bynta bad ban wan pynshngain lem hynrei ki tip bad sngewthuh ba ka long kaba eh than ban leh kumta namar ba ka don ka jingkhang ka jingadong kaba pyrkhing bha da ka bor sorkar bad bor shnong kumjuh.
Hynrei watla katta ruh, ki kit bok kit rwiang lang ba u Blei un ai ka jingkoit jingkhiah baroh kiba dang iasah ha kane ka pyrthei bad ka mynsiem jong I, kan poi suk sha duwar u Blei.
Ka jingleit ontep ia ka met i jong i, kan long ha ka 6 tarik iaiong 2020 ha ka por 1baje nohphai sngi, ha lum jingtep ka Balang Pentecost, Lawmali, Shillong. La ong kiba ha iing hasem kynthup Kong Tribon Mukhim (Khun), Bah Heh M. N . Mukhim, MDC & Ex-MLA (Khun), Bah J.S. Mukhim (Khun) bad ka ïing baroh kawei.
Phi don ban ong eiei?