Khlad ka Sheila Dikshit, myntri rangbah barim ka Delhi

Ka Sheila Dikshit, ka nongialam jong ka seng Congress bad kaba la shakri bun snem duh, kum ka myntri rangbah jong ka Delhi, ka la khlad noh mynta ka sngi, ha ka rta kaba 81. La phah sumar ia ka Dikshit, ha Escorts Hospital, ha ki khyndiat sngi ba ladep, namar ka jingpang kyndeh shadem, hynrei ka la khlad noh mynta ka nohsngi, ha ka por 3.55baje.

U Manish Sisodia, myntri rangbah ba ar ka Delhi, ula iathuh mynta ka sngi, ba ka sorkar Delhi, ka la pynbna ba kan pynlong ar sngi, kum ki sngi kynmaw burom ia ka Dikshit.

Ka jingleit on thang ia ka Dikshit, kan long lashai ka sngi, ong ka khubor.

Ka Sheila Dikshit, ka la long myntri rangbah naduh u snem 1988 bad ka la bteng haduh khadsan snem kynthih bad ka la khyllem ha ka sorkar AAP, ba la ialam da U Arvind Kejriwal, ha u snem 2015.