Shillong: Ka nongpang, kaba 58 snem ka rta, kaba shong ba sah ha Arbuthnot, kaba shah sumar ha Nazareth Hospital, naduh ka 17tarik Risaw 2018, ka la khlad noh hynnin ka sngi bad katei ka dei kaba don ia ka jingpang H1N1, lane kaba la ju tip kum ka khieshoh sniang.
Katei ka briew, ka ioh pang khieshoh, khie tlot bad ka shitom ban ring bad pynhiar mynsiem bad katei ka ioh pang, hadien ba ka wan peit ia u khun jongka, uba sah ha Pune.
Mynta ka dang don sa kawei pat ka nongpang, kaba la thikna ba ka ioh ia katei ka jingpang bad katei ka dei kaba na Mumbai, ha kaba ka la ioh ia katei ka jingpang, ha ka por ba ka wan sha ka jingiaseng jong ka Balang Catholic, ha ka 18tarik Risaw ha Shillong.