Khlad ka longkmie ha Manipur, mar ia dep shah injek covid

IMPHAL: Kawei ka briew, ka la iap ei mynta ka sngi, hadien ba ka la dep shah injek ialade, da u Covishield bad katei ka jia ha Thoubal district jong ka Manipur.

Katei ka briew, ka dei kaba dang shu shah injek, ha ka sien nyngkong bad ka kyrteng jongka, ka dei ka Kiranbala Devi, kaba dei ka nonghikai bad ka la dep shah injek, ha ka por noh sngi, ong ka khubor.

Mar ia dep shah injek, ka la ioh pang kyndit bad la leit rah mar mar sha ka hospital ha Thoubal, ha kaba ka la iap noh.

Ym shym tip satia ia ka daw jong ka jingiap jong katei ka briew, hynrei, kiba ha iing jongka, ki kynnoh, ba ka jingiap, ka dei na ka daw jong ka jingshah injek iada corona.