Khlad ka longkmie bad u rangbah, ba shah ban ha u maw ha Pynthorlangtein

Jowai: Kawei ka longkmie kaba 55 snem ka rta bad uwei pat u rangbah ba 45 snem ka rta ki la duh ei la ka jingim ba kordor hadien ba ki la shah ban ha u maw bah eh uba la khyllem haka por bad ki dang trei ha ka par maw jong ki.

Katei ka longkmie ka dei kaba la tip kyrteng kum ka Sumarbha Lipon bad utei u rangbah pat la tip kum u Meker Lipon kiba dei na ka shnong Pynthorlangtein West Jaintia Hills.
Ki pulit ki la iathuh ba kane ka la jia ha ka por shiteng sngi myn hynnin ka sngi bad hadien ba ki la pynlong ia ka jingtohkit ym lap ban don kano kano ka jingsuba sniew namar la lap ba kadei ka jingjia aksiden kumta na ka liang kiba haiing ruh ki la kyrpad ia ki bor pulit bad bor District ban pyllait ia ki na ka Post Mortem.