Khlad ka longkmie ba ban ka dieng

Shillong, 2 Jymmang:
Ka longkmie ka la khlad bad kawei pat ka la mynsaw jur haba ka dieng ka la ban ia ka iing trep jongki na ka jing kawut ka eriong ha shnong Nongthymmai kaba hap Umiam police
station. Kane ka la jia ha ka por 2 baje janmiet ha ka sngi Thohdieng.
Ha kane ka sngi ka eriong bad u slap ki la ther ha katei ka thain.
Kane ka longkmie ba khlad na kane ka jingjia, ka dei ka Kong Anasuk Shadap ( 48). Ka la khlad haba ka dieng ka la khyllem bad ban ia ka iing jongka.
Ha kawei ka jingjia, u rangbah shnong ka Khyndewso u Bah Joshuwa Mynsong u la iathuh ba ka eriong ka la syllad bun ki iing ha shnong bad saw tylli ki la pra.
Ki shnong ba shah ktah ha ka eriong ki long Liarbang, Khyndewso bad kiwei kiwei kiba hap ha Umsning C&RD Block.
La iathuh ba saw tylli ki nar eslektrik ki la khyllem hynrei donbok khlem don ba mynsaw, bad na ka liang u rangbah shnong u la kyntu ia ka bor district ban ai jingiarap ia ki briew kiba shah ktah.