Khlad ka Lata Mangeshkar, ka nongrwai ba khraw jong ka Ri

Ka Lata Mangeshkar, ka nongrwai ba khraw jong ka Ri India, ka la khlad noh mynta ka sngi, ha ka rta kaba 92 snem.

Ka Lata, ka shah sumar ialade ha ka Mumbai’s Breach Candy Hospital, ha ka 8tarik Kyllalyngkot 2022, hadien ba ka ioh ia ka jingpang corona virus. Ka la shah sumar ha ka Intensive Care Unit (ICU), ha ki bun taiew ba ladep.

U Narendra Modi, myntri rangbahduh ka Ri, ha ka tweet jongu, ula ong “Nga sngewsih kthang, na kaba lah ban batai ha ki kyntien. Ka jingieid bad ka jingsbun jong ka Lata Didi, ka la iehnoh iangi shadien bad ka la iehnoh, ia ka bynta kaba ym lah satia ban pyndap. Ka pateng, ka ban sa wan, kan iai kynmaw ia ka kum ka nongialam kaba ha khmat duh, ban pynneh ia ka kolshor jong ka India, ha kaba ki sur kiba bang bad kiba ih jongka, ki iai pynsngew tngen ia u paidlang ka Ri”.