Khlad ka kurim jong u myntri PHE

Shillong: Ka kong Pynshisha S. Marbaniang, ka lok jong u bah Renikton Lyngdoh Tongkhar, Minister I/c PHE jong ka Sorkar Meghalaya, MLA ka Mawkyrwat Constituency ka la khlad noh ha step jong ka 4 tarik u Jylliew 2021, ha ka iing sah jongki ha Itshyrwat, Mawpat.

Ka kong Pynshisha S.Marbaniang 45 snem ka rta ka la khlad noh na kane ka pyrthei na ka daw jong ka jing ban jur ka jingshitom. Ka jing leh burom ba khadduh ia ka met, kan long lashai ka sngi ka 5 tarik u jylliew 2021 ha u lum jingtep ha Mawlai Mawroh jong ka Balang Church of God Mawlai Motsyiar.