Khlad i khyllung ba pluh iing

Shillong, 17 Risaw:
Uwei i khyllung shyn rang ba dang shisnem 9 bnai i la khlad hadien ba shah jliah ha ka ding bad kane ka la jia ha shnong Pingwait namar ba ka pluh ka iing.
Ine I khyllung shyn rang ba kyrteng Mebankitkhia Nongrum i la khlad hadien ba ka iing ka kem ding katba ka kmie kong Ihir Nong rum ka dang leit tung um da kaba ieh shwa ia ki ha iing.
Ka shnong Pingwait ka hap ha Mawkynrew Konstitwensi. Katkum ka jingiathuh ki pulit la ong ba kane ka jingjia ka la jia hapdeng 4.30 bad 5 baje janmiet ha kaba ka ïing jong ka kong Ihir ka la kem ding katba ka dang leit tong um sha wah ha kaba ka la ieh ia ka khun kynthei ba 7 snem bad ia u khyllung shynrang ba dang shisnem 9 bnai hapoh ïing.
Namar ka jingkem ding jong ka ïing, itei I khyllung I la shah jliah ha ka ding kaba klang bad khlad noh hashen. Ki pulit ki dang pynlong ka jingtohkit halor kane ka jingjia.