Shillong 18 Lber: Ha ka miet jong ka sngi nyngkong ka 17 Tarik Lber 2025, Ka ding kaba rhem bad klang bha, kala bamduh ia kawei ka Iing ha ka Shnong Umpaji, Sahsniang Saitthad, West Jaintia Hills.
Ha kane ka jingjia, iwei i Heprit ba dang 4 snem ka rta, ila khlad noh na ka jingpluh ding.
Kane ka jingjia kala jia hynnin ka miet sngi Nyngkong por 8:45 eiei. Kane ka Iing ka dei jong i Kong Itaima Iakai.
Kat kum ka khubor la iathuh, ba arngut ki khun ki dang iohthiah hapoh iing ha ka por ba jia kane ka jingjia bad kine ki dei i Elisha Iakai ba 4 snem bad i Glorify Iakai ba dang 10 snem.
La iathuh ba i Heprit Glorify ila ioh ban mih shabar hynrei i Elisha ila sahkut hapoh ka Iing kaba pluh.
Ka jingtohkit mynta kala iaid shakhmat ban lapdien ia ki daw ka jingpluh.
Phi don ban ong eiei?