Khlad hashen u driver ka trok khwai

Jowai, 25 Risaw:
Mynta ka sngi por janmiet 4:30 eiei, u driver jong ka trok khwai kali, u la khlad noh hashen hadien ba ka trok jong u ka la shah tynrah ha kawei pat ka trok 12 shaka kaba la wan sted ha ka por katba utei u driver u dang tan ia kawei ka trok kaba kylla ha Jowai Bypass naduh hynnin ka sngi nyngkong.
Ka khubor na ki pulit ki la iathuh ba katei ka trok 12 shaka (AS 01FC 0847) kaba kit clinker ka dang wan na thain Lumshnong ban leit sha Guwahati bad ynda poi ha Jowai bypass ka la tynrah ia ka trok khwai (NL 02K 9774) ba niah da u Pawan Basumatri baroh ar ki la hap sha riat kaba jrong kumba 150 ft.
Ha kane ka jingjia u driver ka trok khwai u Pawan u la khlad noh hashen.