Khlad hashen ka riew tymmen ba ban u maw ha Killing

Nongpoh: Hynnin ka sngi ha ka por 10 baje ei ei mynstep, kawei ka riew tymmen, kaba la 60 tam na ka shnong Umduba, Killing ha Ri Bhoi, ka la khlad noh hashen, hadien ba ka la shah ban kynsan ha u maw ha ka por ba ka dang shongthait, kata hadien ba ka la leit tam maw na kawei na jaka, kaba don ha katei ka shnong.

Ka jingtip kaba la ioh ban lum da u nongthohkhubor, la iathuh ba katei ka riew tymmen kaba la tip kyrteng kum ka Henolis K. Sangma na ka shnong Umduba,  ka la leit ban tam maw lem bad ki paralok jong ka, hynrei ka la mad ia katei ka apot ha ka por ba ka shongthait, namar ha katei ka por ka la shah ban ha u maw tad haduh ba kan da khlad noh hashen.