Khlad ha shen u tymmen ba syllad ka trok ha Umsamlem

Nongpoh: Uwei u rangbah ba la kham noh ka rta na ka shnong Umsamlem, u la khlad noh hashen hadien ba u la shah syllad ha kawei ka trok thylli, kaba hiar na ki thain Shillong sha Guwahati.

Ka jingtip kaba la iohlum da u Nongthohkhubor, la ong ba katei ka jingjia, ka la jia hynnin ka janmiet Sngi Balang ha shnong Umsamlem ha ka por 7 ne 8 baje ei ei, ha kaba katei ka trok, kaba ka kham pynher stet ka la syllad ia utei u tymmen briew, tad haduh ba un da khlad noh hashen.

Katei ka trok kaba la syllad ia utei u rangbah, ka la phet krad na katei ka jaka, hynrei ki la don pat ki briew na katei ka shnong, kiba la pyntip noh mar mar sha ki Pulit bad tang katto katne por ki Pulit ruh ki la iohkem noh ia katei ka trok.