Khlad ha shen u nongniah, mynsaw u nongbud ba kylla ka kali kit niut na Assam ban bret sha Meghalaya

Nongpoh: U nongniah jong kawei ka trok kaba kit niut na Assam bad kaba la thmu ban bret sha Meghalaya, u la khlad noh hadien ba ka kali kaba u niah, ka la kylla ha surok NH-6 ha ki bynta jong ka Umsning By-pass.

Katei ka jingjia ka la jia mynta ka janmiet ha ka por 2 baje eiei noh phaisngi, ha kaba katei ka trok kit niut kaba don ia u number AS-01-RC-0613, ka dei kaba mih na Guwahati, da ka jingthmu ban leit ban Ri Lum Jaintia, hynrei haba la poi ha katei ka jaka, ka la mad ia katei ka jingjia ba sngewsih, kaba la pynlong ia u nongniah ba un khlad noh hashen bad u nongbud u la mynsaw jur.

Ka jingjia bad kaba la wanrah ia ka jingkhlad jong u nongniah, ka la long ba la suba u nongniah jong katei ka trok u la niah stet ia ka kali, hynrei haba la poi ha kitei ki bynta ka surok Umsning By-pass bad kaba dei ka jaka ba kham long khongdong, kaba la pynlong ia katei ka trok ba kan ryngkang ia ka jingker ka surok NH-6 bad kaba la kylla syndon, kaba la pynlong syndon ia u nongniah ba un khlad noh hashen bad ba u nongbud ba un mynsaw jur.

Tang mar ia tip halor katei ka jingjia,ki Pulit ka Umsning Police Station, ki la leit mar mar na bynta ban iarap ia kiba mynta, ha haba ki la lah ban rah sha jaka sumar ia u nongbud uba la mynsaw bad hadien kata, ki la sei sa u nongniah uba la khlad hashen bad kiba la tan noh ia katei ka kali kit jaboh na Assam sha Meghalaya.