Khlad 4ngut, mynsaw 2; na ka jingshlei um ha Garo hills

Shillong:Ka jingwan lynshop jong u slap u ba jur ha ka jylla naduh ka sngi balang, ka la pynlong ia ka Rilum Garo ba kan ngam ha ka um na ka jingshlei ki wah ha kane ka thain, kyn thup ruh ia ka jingduh ei ia ki 4 ngut ki myn siem briew.

Ha ka step jong ka sngi palei, na ka jingjur u slap kawei ka long ing kaba don ha ka shnong Jabalgre kaba don ha South Garo Hills District ka la ngat ha ka jingtwa ka khyndew bad na kane ka jingjia lai ngut ki mynsiem briew, ki la duh ei ia la ka jingim bad ar ngut ki la lait im.

Ha kane ka jingjia ka Pretish Ch Marak 38 snem ka rta (kmie), u Almos Ch Marak 12 snem ka rta (khun shynrang ) bad ka heprit Aimbe Ch Marak 3 snem ka rta (khun shynrang) ki la duh ei ia la ka jong ka jingim.
Katba u Sengrik D Sangma (kurim) u la ngat ha ka jingmynsaw jur na kane ka jingjia, katba u khun jong u, u Thobes Ch Marak u la lait im khlem kano kano ka jingmynsaw na kane ka jingtwa ka khyndew kaba la leit ban ban ia ka ing ba ki sah.

Ha South West Garo Hills District,ha ka shnong Samarthi na ka jingtwa ka khyndew, u heprit Tanusha Hajong 2 snem ka rta u la duh ei ia la ka jingim.
Ka jingwan lynshop jong u slap ka la ktah jur ia ka rilum Garo, bun na ki shnong ki thaw ki la ngam ha ka um, ki ing ki sem ki la julor bad ka jingdkut ka jingkieng bad ka jingtwa ka khyndew.

Na ka liang u Myntri rangbah ka jylla u Conrad K Samnga u la iathuh ba la shai ka sngi, na ka liang jong u, un leit hiar sha kine ki thain ba la shah ktah jur na ka jingjur u slap.