Khlad 3 ngut mynta ka sngi kiba don ia u COVID-19. Kiew kiba khlad sha ka 85 ngut

Shillong: Mynta ka sngi, ki la don sa 3 ngut kiba la khlad noh ha ka jylla kiba don ia u khñiang jingpang iabit coronavirus.

Ka Marzina Sangma 61 snem ka rta kaba shong ba sah ha Kharkutta, North Garo Hills ka la leit ban sumar ha Tura Civil Hospital naduh ka 20 tarik Risaw 2020. La test positive ia ka ha katei ka sngi hadien ba ka la poi ha Hospital. Ka la khladnoh ha ka 26 tarik Risaw 2020 ha ka por 7:30 janmiet. Ka la shah sumar namar ka jingpang COVID-19, Septic Shock, Paraplegia, Polymyositis bad Kidney Injury.

U Gopal Saha 56 snem ka rta uba shong ba sah ha Polo Hills, Shillong u la leit ban sumar ialade ha NEIGRIHMS Hopsital naduh ka 14 tarik Risaw 2020. La test positive ia u ha katei hi ka angi ba u la poi ha NEIGRIHMS. U la khlad noh ha ka 27 tarik Risaw 2020 ha ka por 6:45 baje mynstep. U la shah sumar namarka jingpang Refractory Shock, Covid Pneumonia, Chronic Infection bad ka Type 2 Diabetes Mellitus.

Ka Taru Lata Mondal, 65 snem ka rta, kaba shong ba sah ha Upper Laban, Shillong, ka la shah sumar ha NEIGRIHMS Hospital ha ka 26 tarik Risaw 2020. La test positive ia ka ha katei hi ka sngi hadien ba ka la poi ha katei ka hospital. Ka la khladnoh ha ka 27 tarik Risaw 2020 ha ka por 3:55 baje janmiet. Ka la shah sumar na ka jingpang Type 2 Diabetes Mellitus, Nephropathy, Hypertension, CKD bad Covid Pneumonia.