Khie sa ka thma hapdeng U MR ka Assam bad U MR ka Mizoram

Guwahati: U Himanta Biswa Sarma, myntri rangbah ka Assam bad U Zoramthanga, myntri rangbah ka Mizoram, ki don mynta ka sngi ha ka jing ialeh thma, tangba katei kam dei ha khappud lane ha madan, hynrei ha ka twitter.

Ka thma ka sdang, haba U Zoramthanga, ula sei ha ka twitter ia ka video, ha kaba la iohi, ba u paidbhur, uba na Assam, u ia lun maw ia ki pulit ka Mizoram bad katei ka dei ha khappud jong ka Kolasib district jong ka Mizoram bad ka Cachar District jong ka Assam.

“Shri @AmitShah ji, sngewbha peit ia kane ka jingjia. Kane dei ban sangeh noh mar mar. #MizoramAssamBorderTension,” thoh U Zoramthanga, ha kaba ula buh ia ka video bad phah ruh sha U Himanta Biswa Sarma, myntri rangbah ka Assam bad nangta sha U Deputy Commissioner jong ka Cachar.

Mar kumta hi, U Himanta, ula jubab hi ha ka twitter, da kaba u ong “Honble Zoramthanga ji, sngewbha ban tohkit dalade hi, balei ba ki riew paidbah na Mizoram, ki ia bat dieng bad ki maw bad ba ki pyrshang ban pynshit ha katei ka jaka ba don jing ia kynad?”

“Ngi pynsngew sha ki riew paidbah, ba kim dei ban shim ia ka ain ha la ka jong ka kti bad ba kin ailad ban iakren hapdeng ki ar liang ki soskar” ong U Sarma.

Ha kawei pat ka tweet, U Sarma, u ong ba U SP ka Kolasib, ula bthah ia ki pulit jong ka Assam, ba ki dei ban mih noh na ka ktem jongki, namar ba u paidlang Mizo, uba don ha katei ka jaka, un nym kynran dien satia, ne un nym pynjem na ka jing ia kynad ha katei ka jaka.