Khie bitar u kpa, ba shah set phatok ka khun samla “Ngan iakhun, ha ban da iap” ong u kpa ka Rhea

Ka jingshah kem jong ka khun samla ba marwei bad ba u ieid thep mynsiem, ka la pynlong ia U Indrajit Chakravorty, ba un pynpaw ia ka jing bitar jongu, ha kaba u ong “Ngan iakhun ha ban da iap”.

U Indrajit Chakravorty, u thoh ha ka twitter jongu, da kaba ong “Ym don satia u kpa, uba lah ban shah, ia ka jingshah lehbein jong ka khun kynthei ba marwei. Nga dei ban iap syndon”. Ula ong shuh shuh ba baroh kawei ka India, ka kwah ban set phatok ia ka Rhea, khlem kano kano ka sabut.

U Indrajit, u ong “Ka jamin jong ka Rhea Chakravorty, ka la shah kyntait. Sa shisien, kan leit sha ka kashari jong u session judge ha ka sngi palei”. Ka Rhea, hynnin ka sngi, ka la la shah kem ha ka Narcotics Control Bureau (NCB) ha ka kam shalan droks, ha kaba iadei bad ka jingiap jong U Sushant Singh Rajput bad la rai ban pynshong patok ia ka 14 sngi kynthih, da ka kashari.

U Indrajit, u ong shuh halor U Sushant “Hangne, ka wan ka jing leh lamler bad lada ka mukotduma jong ka NCB, ka ieng ha ka shari, kumta U Sushant, lada u dang im, un dei u nongshah tian bishar uba ha khmat duh, namar ba u dei u nongdih droks, u nongthied droks bad u nongsiew pisa na ka bynta ban ioh ia u droks. Kane ka dei ka jingwad jingtip shaphang ka jingim jong U SSR, ha kaba ia ka jingim jongu, la pyn ngat ha ka kam dih droks”. [Katei ka dei ka khubor, kaba la sot na ka Hindustan Times]