Nongstoiñ: U bah Ribok L Lyngkhoi, u ba dei u kpa nah jong u Fullbestar Jyrwa u khyllung ba dang 3 snem 7 bnai u la kyntait war halor ka jingshah kynnoh ba u la shoh bein ia u tei u khyllung bad u la pynshai ruh da kaba u la ong ba u khein ia u tei u khyllung kum ia u khun lajong watla um shym dei u khun jong u ruh bad u la ong ha ka jingshisha ba dei ka kmie ka jong u hi kaba la shoh ia u khyllung hynrei ym dei pat kat haduh ba un da mynsaw jur kumba la kynnoh bad ia u khyllung la shah bat noh hapoh Civil Hospital Nongstoiñ, namar ka jinglap ba u shit met ha kapor ba leit phah sumar (check up).
U bah Ribok L Lyngkhoi Kpa nah bad ka kmie jong u khyllung kiba la kyntait ia ka jingkynnoh ba lehbein ia u khyllung:Rupang
Haba iakren bad ki nongthoh khubor u bah Ribok L Lyngkhoi (Kpa nah) u la iathuh ba naduh ba u sdang ban ia shong bad ka Dapbianglin Jyrwa ka kmie jong u tei u khyllung ki bahaiing ha sem jong ka kim shymla suk ia ka jingiashong kha ka jong ki bad ha kapor ba ki mih ruh na ka liang jong ki ba haiing jong ka Dapbianglin Jyrwa kim shym la shah ban rah ia u khyllung da kaba kila ong ruh ba u khyllung un sah shwa bad ki kumta khlem da pynneh kila hun ia katei ka jingong kiba haiing bad kila mih ban iasah lang ha Nongstoiñ.
“Naduh ba ngi mih na Iing bad naduh ba nga sdang ban iashong bad u lok kiba haiing jong nga kim shah ban rah ia u khun bad kila ong ba u khun un sah shwa bad ki kumta ngi ruh ngi khlem pynneh bad ngi la mih ban sahlang tang ma ngi ar ngut bad hadien ba nga la leit sha Iing ban kylli na ki bahaiing ba lano kin wan mih sha Iing jong u lok jong nga kila jubab ba kin sa wan namar ynda la lap ym por hynrei hadien katto katne kila wanmih ha ryngkat ki Seng longkmie da kaba kila wan ban ong ia nga ‘Balei pha shong lok khlem rah lang bad ia u khun bad u lok aiu u ta u ba pdiang tang ia ka kmie khlem pdiang ia u khun?’ bad ki la ong ruh ia nha ban leit phai noh shala shnong bad ha kata kapor ka hynmen jong nga kala khap jubor ruh ia u sniuh khlieh jong nga” ong ka Dapbianglin Jyrwa haba iakren bad ki nongthoh khubor.
Haba kylli kumno u khyllung u poi bad ki ha kaba naduh nyngkong kiba haiing kim shymla shah ban rah ka kong Dapbianglin kala ong “Ha kapor ba i mei jong nga i shitom nga la leit ban ap hapoh Hospital hynrei u lok jong nga hadien um shah shuh ban ap Hospital namar ba nga la ar met kumta i mei i la bthah ban leit sha shnong ban leit shaw ia ki jain ki nep kumta ynda ngi la leit sha shnong i pa jong nga i la ong ban rah lang noh ia u khun ruh ynnai wanmih shuh sha iing bad dei ha katei kapor ba ngi la ioh ban rah ia u khun”.
Shuh shuh haba kylli pat kumno kito ki dak mong dak jngem kidon ha ka met u khyllung na ka liang jong ka kong Dapbianglin Jyrwa kala ong “Ha ka 10 tarik mynta u bnai ha kapor ba ki dang ia bam ja hala ing u khun jong nga u la leit peinkhana hapoh kamra bam bad u la sdang ruh ban ktah bad tabain da ka kti bad tah ruh ha ka kynroh jong ka iing bad haba nga iohi ha ka jingdom nga la kum shoh eh ia u da u dieng bad hoid u la jngem ruh katto katne hynrei yn dei pat ba u la mynsaw jur bad um dei hi ruh ba shoh u lok jong nga kumba kila kynnoh”.
Ha kaba iadei pat bad ka jingkynnoh ba ka meideng (Elviris Jyrwa) kala lap ba u khyllung u la kyiuh that that bad iam ha ryngkat ka jinglynkhuid na ka liang jong ka kong Dapbianglin kala ong ba hadien ba kila dep ban pynniad bad pynsait ia ka peinkhana kim shym pat lap ban pynphong jain bad ha katei kapor la wan lap ka hymmen jong ka kaba khlem iohi satia Mano ba shoh ia u khyllung hynrei kala shu kynnoh beit ia u long jong kaba u la shoh bein ia u khyllung.
Kitei ki ar ngut ki shi tnga kila kynnoh kylla ia ka kong Elviris Jyrwa kaba dei ka meideng u khyllung ba ka ju wan ban pynwit ia ki manla kapor da kaba kala kynnoh ruh ka kmie jong u tei u khyllung ba kadei kaba dakaid bad ha kapor ba ka wan ban shaw ia u khyllung u bah Ribok um shymla shah namar ba u ong ba u khyllung u don hapoh ka jingpeit ka jong u bad u la ong “Ba ngan shu ai kumto ia u khyllung ngam kwah namar ba u hap hapoh ka jingpeit jong nga bad lada jia aiu aiu ia u ruh ka jingkitkhlieh ka dei ha nga”.