Khein dewthala ka Election committee ka Umsning ia ka hukum ka KHADC: Bah Ban Kharnaior

Kum uwei naki nongshongshnong ka Umsning ha ryngkat bad ka kynhun Hynniewtrep Integrated Territorial Organisation ngi pynpaw ka jingpyshah jur halor ka jingthmu pynlong jied Rangbah Shnong da ka Central election Committee ka Umsning Town Dorbar haka 29-5-2021.

Ka daw ba ngi pyrshah ka long kumno ka kloi ban khot thep kyrteng mar ia ujor ki saw tylli ki sengbhalang ki dawa ban weng ia u rangbah shnong ka
Umsning patrim sha u CEM bad Hima mylliem, halor ka jingai NOC permanent residential certificated pathar sha ki bar jylla bad uba ne u bar jylla tang hapoh ar bnai Ngi dap da ka jinglyngoh ba ha ka 7 tarik mynta u bnai haba ki sengbhalang ki la wan ban ujor na KHADC bad haba kane ka khubor kala saphriang sted haki social media, kane ka election committee ka umsning town dorbar ha kajuh ka miet kala pynmih bad wah paidbah iaka jingpynbna bala khot thep kyrteng kyrtong iakhun
rangbah shnong haki 6 tylli ki shnong kiba hap hapoh ka Umsning town war hapdeng kane ka saw ka sian naka jingpur sted une u khniang jingpang corona.

Ka jingdawa ki saw seng ban weng noh ia u Rangbah shnong patarim na ka KHADC imat ka dei ka daw ban pynsted ka jingthep kyrteng, khlem da khein snep, khein kor bad I kumba ki khein dew thala iaka hukum
Jingpynbna ka KHADC bala soi da u Secretary to the Executive Committee, Khasi Hill Autonomous District Council dated 27- April-2021, bala kdew bala pynsangeh noh shwa ia baroh ki election jong ki Khlieh Nongsynshar/Myntri/Lyngdoh bad Rangbah shnong bad ban ym pynlong kino kino ki jingialang paidbah hapoh ki Hima/elaka?shnong tad haduh ban da ai hukum da kumwei pat Haka jingujor jongngi sha I Deputy commissioner ka Ribhoi, ngi pynpaw ruh ba kane ka election committee
ka Umsning town kala pynkhein ruh iaka (Epidemic Diseases Act) 1897, kumjuh ruh ia ka (Prevention of Epidemic Diseases) act jong ka The United Khasi-Jaintia Hill Automous District. Haka jingshisha kila dei ban
iarap bad snoh kti lang bad ka tnad ka koit ka khia bad wanrah ki lad jingiada naka jingpur sted une u khniang jingpang, ki ialeh pyrshah pynban da kaba khot pynlong jied rangbah shnong, I kumba ka kam rangbah
shnong ka kkham kor ban iaka jingim briew ha kane ka committee.

Naka liang ka seng ngi sngewdei ban ban jur na I Deputy commissioner ba dei ban pynsangeh syndon ia kane ka jingkhot thep kyrteng jied rangbah shnong kaba la pynbna ha ka 7, may, 2021 bad ka ban kut haka 15,
may, 2021, bad ban pynshitom iaki katkum ki nkyndon covid 19 bad ki act bala kdew. Ngi ki paidbah ngim kwah ba kane ka khlam kan nang jur hapoh ka thain hynrei ngi kwah ba ka jingim jongng kata ka long ka
jingkoit jingkhia ka kham kordor ban ia ka kam rangbah shnong.
Ka jingkylli jongngi ka long balei kane ka Central election committee ka Umsning Town Dorbar kam khein kor iaka hukum bad ki act ka KHADC? Hato ka rai jongki ka kham halor ban iaka hukum ka KHADC? Hato kim tip
mo ia kine ki jingpynmih Jingpynbna ka District council ne ba ki kwah ban ialeh pyrshah khnang?

Naka liang ka seng ka pynrem jur halor ka jingai NOC pathar da ki rangbah shnong sha ki bar jylla, khamtam ia uwei u bar jylla hadieng ba u la ioh permanent residential certificated na u rangbah shnong ka Umsning
Patarim ha ka 6/ feb/2021 tang hapoh ar bnai u la sngewsyiad bad sngewheh haduh ba u la nud syndon ban ktah kti bad thombor ia kawei ka longkmie khasi. Ngi da sngewrem haba manla ka por haba ki samla jongngi
ki ialeh ban iakhun pyrshah iaka jingrung pathar ki bar jylla don pat kum kine kiba ri bad sumar ia ki.

Bah Ban Kharnaior,

President, HITO Ribhoi District.