Shillong: Ka jing saphriang ka jing pang ‘coronavirus’ lane u COVID-19 ka la pynlong ia ki paidbah ha kylleng sawdong ka pyrthei bad ha nognbah Shillong ban phong da ki mask ‘Face Mask’ na ka bynta ban set ia ka khmut bad shyntur ban iada na ka jing pang ‘coronavirus’.
Myn hynnin ka miet la ioh khubor na ki nong die bad nongthied ba ia ki ‘Face Mask’ ba shongdor 20 tyngka la ia die ha ka dor 50,80 bad 100 tyngka tang hapoh Iewduh.
Kumban shu pynkyn maw ka sorkar India ha ka 13 tarik lber 2020, ka la pynmih hukum ba ki ‘Face Masks’ bad ki ‘Hand Sanitizers’ kin hap ha ki tiar ba donkam eh na ka bynta ki paidbah ka ri India kum shi bynta ban ia khun pyrshah ia ka jing pang ‘coronavirus’
Haba kren bad iwei I kong ba die tiar ha Iewduh I la iathuh ba ki bar jylla ba shong dukan hapoh iewduh nalor ba ki die tiar ne mar bam ki la die ruh ia ki ‘Face Mask’ ha ka dor ba 50, 80 bad 100 tyngka.
“Kane ka jing ia die rem jong ki wat tang ia ki ‘Face Mask’ barit ruh ka la pyn ioh nong shibun ia ki, bad ka long kumba kine ki ba die ia ki ‘Face Mask’ ki ialeh khaii ia ka koit ka khiah ki paidbah ka jylla” la bynrap iwei I kong.
Ka sorkar ha ka jingshisha ka dei ban pynbiang ia kine ki face mask bd hand sanitizers, khamtam haba kum kane ka por bd lh dei bn buh la man ki health center. Ne ka sorkar kam don pisa tang ban leh ia kane?