Khapngiah ki hospital ha Spain, ba bun kiba ioh jingpang Corona

Ka jing bun palat ki nongpang, ka la pyn khapngiah ia ki hospital kiba don ha Spain bad la iohi ba ki nongpang, ki la hap ia thiah ha madan bad khmat jingkhang bad kitei ki dei kiba don ka jingpang coronavirus.

Katei ka jingjia, ka dei ha Infanta Leonor Hospital bad ha Severo Ochoa de Leganes Hospital ha ka nongbah Madrid jong ka Spain, ong ka khubor El Mundo.

Ka jingiap briew ha Spain, ka la poi sha ka 2hajar ngut mynta ka sngi, da ka jing nang kiew kaba 462ngut bad baroh ki la poi sha ka 2,000 ngut haduh mynta ka sngi bad baroh kiba pang, ki la poi sha ka 33,089ngut.

Kiba iap ha Madrid, ki long haduh 58 percent, na kito kiba ioh ia katei ka jingpang ha katei ka Ri. U myntri rangbah duh ba ar, U Carmen Calvo, u dang don ha ka jing shah sumar, namar ba u don ka jing shitom ban ring bad pynhiar mynsiem, naduh ka Sngi U Blei.