Khap lyndum ki 200ngut ialade bad sait da ka um khuid, ba ki leit phai biang na ka BJP sha ka TMC

200ngut ki dkhot ka seng Bharatiya Janata Party (BJP), ha ka Hooghly District jong ka West Bengal, ki la leit phai biang noh sha ka seng Trinamool Congress bad katei ka dei hadien ba ki la sait khuit ia la ka met, da kaba khap lyndum ia la ka khlieh bad sait da ka um khuid lane ka Gangajal.

Kitei ki dkhot jong ka seng BJP, ki kam, ba ki la bakla jur ha ka jingim jongki, ba ki leit ban iasoh bad katei ka seng. Kumta ki la khap lyndum ia la ka khlieh bad ki la synreit ia la ka met, da ka um khuid, ban pyni, ba ki la kylla ba mut bad pynkhuid ialade, da kaba ki leit rung biang sha ka seng TMC.

Kitei ki da pynher ia ka lama jong ka TMC, ha ka jing don ryngkat U MP, ka Arambagh, U Aparupa Poddar.