Khang U DC ban thied petrol ha ki bilor

Shillong, 1 Nailur:
Namar ba ju mih ka jingkawang petrol bom man ba don ka jingiakhih jong ki sengbhalang, na ka liang u Deputy Commissioner ka East Khasi Hills u la pynjari ia ka kyndon 144 Cr PC ha baroh ka district kaba mana ban die petrol sha ki briew ba wan thied ha ki juk, ki bitor ne kino kino ki tiar.
Ha ka jingpynbna ba la pynmih, u DC u la ong ba namar ka jingkhot pakhang shnong ki sengbhalang kynthup ka KSU, FKJGP, HNYF, CSWO, GSU, JSU, KWWDA, ADE, RBYF, AJYWO bad kiwei, na ka bynta ban pyntreikam ia ka Inner Line Permit (ILP), la pynjari kyrkieh ia ka kyndon 144 Cr Pc.
Ym shah ban rah tiar ba lah ban pynmynsaw ia u briew ia ki tiar, ki mar shimet ne ki mar sorkar. La mana ruh ia ki petrol pump ba kin die petrol ia ka patrol, diesel, ne kino kino ki tiar ba lah ban pynmih ding, sha uno uno u briew.