Khang tih mar poh khyndew, khlong shyiap kylleng ka Ri Khlem ioh jingbit na ka tnat mariang

NewDelhi, 5 Nailar:
Ka National Green Tribunal (NGT) mynta ka sngi ka la pynbna ba ym shah ban tih mar poh khyndew bad khlong shyiap pathar na ki rud wah ne ki wah khlem da ioh jingbit na ka tnad mariang . Ka Tribunal ka pynpaw ba na katei ka jingtih pathar ia ki mar poh khyndew bad ka jing khlong shyiap pathar na ki wah bad ki rud wah ka la ialam sha ka jingduhnong ia ka jylla, namar kitei ki jingtih be-ain da ki lak bad ki klur tyngka.Katei ka jingkhang pyrshah ka la mih hadien ka jingiatai ia ka jingjia kaba la jia ha UP.
Ka ingbishar ba la khlieh da u NGT chairman Justice Swatanter Kuma, ka la ong ba katei ka hukum kan treikam ha baroh kawei ka ri India, namar ia katei ka jingkyrpad la phah katkum ka mat jong ka jingpynneh mariang.
Katei ka jingshah khang ban khlong shyiap ka treikam ruh ha ki rud wah jong ka Yamuna, Ganga, Hindon, Chambal, Gomti, bad kiwei pat bad hadien pat la pynbna ba katei ka hukum kan treikam ha manla ki dong jong ka ri. Katei ka hukum ba la pynmih ka la ong ba kino kino ki ba thmu ban khlong shyiap ne tih mar poh khyndew ki dei ban ioh ia ka jingbit na ka tnad mariang ne ka Ministry of Environment and Forests (MoEF) lane ka State Environment Impact Assessment Authority (SEIAA).
“Ngi khang pyrshah ia kino kino ki briew, ki kompani,ne kinop kino ki bor ban tih marpohkhyndew bad khlong shyiap na ki rud wah bad ki wah ha ka Ri khlem da ioh ia ki jingbit ne ki laisen na ka MoEF/SEIAA ” ong ka Ingbishar haba pynbna sha baroh ki nong India. Ka Tribunal kala bthah ruh ia ki mining ophisar bad ki ophisar pulit ban shimkhia halor katei ka hukum ba la pynbna da ka National Green Tribunal Bar Association.
Ka NGT ka la pynbna ruh ba lada lap ia kino kino kiba pyrshah ia katei ka hukum kynthup ia ki ophisar sorkar ki hap ban mad ia ka jingpynshitom kumba la shah sospon ka SDM Durga Sakhti Nagpal, ka IAS ophisar.