|
Shillong: Ka tnat Labour jong ka KHADC, ka la leit mynta ka sngi, ban khang tala ïa ka M/S Unique Structure and Tower Limited kaba don ha Umsohïong halor ka jing ai ujor jong ka Seng HYC, ha ka 24tarik ïaiong, 2019.
Ha kane ka sngi la ïa don lang ruh ki dkhot jong ka HYC Sohïong Circle ha ryngat bad ki dkhot jong ka HYC Nongthliew Circle. Ka long shisha ka jing ïoh jingkyrmen kaba khraw ïa ka jaitbynriew, ban ïoh ki briew kiba trei hok ïa ka kam kumne. Ka jing shim kabu bad ka jing ïuh roit ki bar jylla ïa ka hok Longtrai jong ka jaitbynriew ka dei ka mat kaba kum ka jaitbynriew bad ka KHADC ka dei ban shim khia khnang ba ka pateng jong ka jaitbynriew jong ngi kan ym buh ha ka jingma, la bynrap u samla Purningstar Shabong.
 Na ka liang jong ka Seng HYC Sohïong Circle ka ïai kyntu ïa ka KHADC ba kan shim khia ha ki bynta baroh kiba hap ha ka District Council khnang ba ki kompeni be-aiñ kin ym ïoh shuh ban shim kabu ha kane ka Ri jong ngi ha ka juh ka por, ka kyntu ruh ha ka KHADC kam dei ban ai Labour License ïa ki nongtrei bar jylla lada ïa ka kam la lah ban trei da ki Khasi. Na ka liang jong ka Seng ruh kan dang ïai bud dien ïa ka tei ka kam bad horkit hordang kan ym ailad ïa ki tei ki riew be-aiñ kiba shim kabu ha kane ka ri jong ngi.
Ka HYC, ka ai khublei ruh ia U bah Teibor Pathaw, Executive Member ba peit ia ka tnat Labour, uba la shim khia halor katei ka kam, katba kum ka jing ujor jong katei ka Seng.
 |
Phi don ban ong eiei?