Khang tala ka HYC ïa ka GMS Worldwide Express ba shah beh kam ki samla khasi

Shillong: Ka Hyñniewtrep Youth’s Council (HYC) Shillong City hapoh ka jingïalam u General Secretary Samla Enlang Sawian ha ka 12 tarik Ïaiong 2019, ki la leit ban khang tala noh ïa kawei  ka Company GMS Express kaba don ha Umsohsun, Shillong halor ka jingshah behkam noh jong ki katto katne ngut ki samla Khasi.

Ki katto katne ngut ki samla Khasi kiba la shah beh kam noh ha katei ka Company kiba trei kum ki nong sam tiar, ki la ujor sha ka Seng HYC bad ha kane ka sngi na ka liang ki dkhot jong ka HYC Shillong City kila leit ha katei ka dukan da ka jingthmu ban leit ïakren bad ki bor pynïaid jong katei ka Company halor kano ka nongrim ba ki la behkam noh ïa kitei ki samla hynrei ka HYC ka khlem ïakynduh satia bad na ka liang ki dkhot ka HYC ki la pyrshang ruh ban ïakren lyngba ka phun call hynrei ki bor pynïaid jong katei ka Company kim treh ban wan pynshai markhmat bad ka Seng, kumta ka HYC  kala  khang tala noh shuwa shipor ïa katei ka dukan tad haduh ba katei ka Company kan ai ïa ka jingpynshai. 

 Ha ka jing ia kren bad u Rupang, u General Secretary ka HYC Shillong City, u Enlang Sawian ula ong, “Ngim banse ban khang khyrdep noh shipor ia kane ka company bad ki dei ban wan ban ai ka jing pynshai sha ka seng balei ba ki la beh kam ia ki samla jong ngi khlm nongrim.”