Shillong: Ka Deputy Commissioner, East Khasi Hills District, ka la pynbna ban khang sbak ia ki 20 tylli ki shnong bapher jong ka nongbah Shillong bad sha mar khap ruh kumjuh.
Ka kyrwoh, ba la phah mynta ka sngi, ka pyni, ba kitei ki jaka ki dei kiba don ia ki nongpang Covid 19, lane ki dei ruh kiba don jing iajan bad kitei kiba don jingpang, ong ka khubor.
Ki shnong kiba la rai ban khang sbak, ki kynthup ia ka Block D jong ka Nongrimmaw, kaba don sha ka liang ka diang jong ka Arbuthnot Road, kaba na Lailad shaduh sha ka ophis barim ka DGAR, kum ki jaka ba la khang sbak. Katei ka long, lyngba ka jingdon jong kiba don ia ka jingpang lane kiba don ka jingiadei bad kiba pang ha katei ka jaka.
La khang sbak ruh ia ka Central shaduh sha Lower Nongrim Hills, kaba sdang na Lailad sha Bamon Service Station, nangta la khang sbak ia baroh kawei ka Jhalupara, nangta ia ka Lumshyiap Nongmensong, nangta ia ka Mawlai Umjaiur, ka Laitkor Pyllun, ka Mawlai Nongpdeng, ka Mawlai Mawtawar, ka Umshing Umjapung, ka Mawiong Rim, ka Mawbah (Barapathar), ka shnong Kreit Mawshaton, Ka Oakland Municipality Quarters, ka Nongrah Dongktieh, ka Malki Nongshiliang, ka Malki Chinapatty, ka Nongmynsong Lumkdait, ka Rauf Ahmed Building jong ka Keatinge Road, ka Lower Lummawrie (na iing U Dr PK War shaduh sha ka Super Care barim) ka Lower Lachumiere (Hopkinson Road na Stephan Hall sha Gold Gym).
Phi don ban ong eiei?