Guwahati:Ka kynhun myntri jong ka sorkar Assam ka la ioh ban iatai iathir haba iadei bad ka UCC bad ka ain ban ri bun tnga, haba iathuh ia kane u Myntri Rangbah jong ka jylla Assam u Himanta Biswa Sharma, u la ong ba ki dang pynkhreh ban pyn dep noh ia kine ki bill.
Hynrei ka kynhun myntri jong ka sorkar Assam ki la lah ban ai jingmynjur ia kawei na ki aiñ kaba donkam bha bad kata ka long ban khang pyrshah noh ia ka jingpynkhiah, da ka jingduwai, kaba la ju pyndonkam ban pynkylla niam ia ki paid riewlum.
Kane ka bill, kaba la tip, kum ka Assam Healing (Prevention of Evil) Practices Bill, 2024, yn sa rah hapoh ïingdorbar, namar la ngeit ba ka jingmane hi ka long kaba laitluid bad dei ban pynneh ia ka kumba ju long. U Sarma u la ong ruh ba kito kiba dei ki Muslim, ki Kristan, ki hindu ki dei ban long kumba ki long khnang ba ka jingbymnoh shiliang kan don hapoh jong ka jylla.
Kane ka act kaba ka kynhun myntri ka la dep ban ai jingmynjur ha ka jingialang jong ka kynhun myntri ban khanglad noh ia ka jingpynkhiah hapoh jong ka jylla.
Haba iadei bad ka jing pyniasnoh lang ia ka ucc bad ka ain ri bun tnga, u Myntri Rangbah jong ka jylla Assam, u la iathuh ba ka UCC ka dei kaba dang thymmai ban pynlong ia polygamy ka kam beaiñ ia ki briew bad kane ka dang don hapdeng ka jingiakren da kaei ka lynti ba dei ban iaid, u la ong.
Lah wai hangne te