Jowai:U District Magistrate ka West Jaintia HIlls District, u la pynmih ia ka hukum mynta ka sngi ban khang pyrshah ia ka jingkhlong maw, sh yiap bad tih par maw ha wah bad ha rud shilynter ka wah Myntdu. Ia kane ka hukum la pynmih hapoh ka kyndon 144 CrPC.
Katkum katei ka hukum la khang pyrshah ruh ia ka jingsait kali, sait jain bad bret pathar ia ki niut lane kino kino kiba lah ban pynjot bad pynjakhlia ia katei ka wah.
La pynmih ia kane ka hukum dei hadien ba la lap ba ka jinglong jingman katei ka wah bad ka um kaba tuid ka la kylla jakhlia, na ka sngi sha ka sngi.
Shuh shuh la khang pyrshah ruh ban pom ia ki dieng ki siej kiba don ha ki rud jong katei ka wah katkum ka hukum jong ka NGT.
Phi don ban ong eiei?