Shillong: Ka Executive Committee jong ka Dorbar Shnong Nongkhyriem, Nongthymmai kaba la shong meeting ha ka 12.09.2019 kala shim ia ka rai ba yn pyntip sha ki nongshong shnong bad ia ki nongshongdukan kiba hapoh u pud u sam jong ka Shnong Nongkhyriem ba la mana ban pyndonkam ia ki plastik bad kane kan treikam naduh ka 23.09.2019.
Shuh shuh, ka Executive Committee ka ong ba ladei ka por ban pyndonkam biang ia ki pla iew, ki sla song kumba ju leh ha ki 30 snem mynshua haba ki sla song bad ki pla iew la ju pyndonkam bha na ki nongthied nongpet jong ka shnong. Ka rai ba ka Executive Committee kala shim ka long ba ka kwah ba ka shnong Nongkhyriem kan long ka shnong kaba khuid kaba suba bad ban lait na ka jingpyndonkam plastik kaba lah pynjaboh jur shisha ia ka sawdong sawkun jong ka mariang.
Kumta, la kyrpad ia ki nongshongshn
ong ban ai ka jingiatreilang ban pynlong ia ka shnong Nongkhyriem kaba lait na ka jingpyndonkam plastik.
Phi don ban ong eiei?