Shillong: Ki shnat treikam ka KSU ha kylleng ka ri Khasi myn hynnin ka sngi ki la leit ban khnang ia baroh kito bank ki bym shym la burom ia ka sngi shuti ba kyrpang ha ri Khasi ka shad Nongkrem kaba ju long shisien shi snem.
Kum ka Seng kam lah ban shu shong kli kti ne sngap jar ia ka jingbym burom jongki ia ka sngi kyrpang ka jaitbynriew ka lah leit bad khang khyrdep bad phah mih ia baroh ki nongtrei bad maham ruh ba kin ym bit ban plie bad pyllong trei ha kum kane ka sngi kaba long kyrpang ia ki khun khasi khara, ong ka kyrwoh na u bah Rapborlang Nongrum, u Publicity secretary KSU CEC.
La iathuh shuh shuh ba ki ophis ba shah khang ki long ka HDFC ha Motphran, Apex Bank, Meghalaya Rural bank, BOI, Axis kiba na Bimola sharum ka State bank, Airtel, Canara bank, Shillong Cooperative, State bank, Life insurance , Baroda, Punjabi bank kiwei kiba don ha kylleng ka sor Shillong bad ka Post Office bad BSNL kiba don ha NEHU Shillong.
Phi don ban ong eiei?