Khang lynti ka Assam, ban rung ka rel bad ki kali kit mar, kynnoh ka Mizoram

Ka Mizoram, ka kynnoh ba ka Assam, ka la khang lut ia ka jingrung ki mar ki mata sha katei ka jylla bad ba ka la pynjot ruh ia ka lain rel, kaba pyn iasoh sha Bairabi.

Katei ka jing kynnoh jong ka Mizoram, ka dei ha ka shithi, ba ka la phah sha U Ajay Kumar Bhalla, Secretary, ka tnat kam poh iing jong ka sorkar India, ha kaba la phah da u Secretary ka tnat kam poh iing ka Mizoram, U Lalbiaksangi.

La kynnoh ruh da ka Mizoram, ba ki lain rel ha Hailakandi, ki la shah pynjujor lut bad katei ka la khanglad ia ka rel kit mar, ba kan rung sha katei ka jylla.