Khang lynter noh ki skul ha Manipur, ba iakhih ILP

Imphal, 12 Nailur:
Ka jingiakhih, na ka bynta ban pyntreikam ia ka ain Inner Line Permit System (ILPS) ha Mani pur, ka la pynlong ia ka sorkar Jylla, ba kan hu kum, ban khang noh syn don ia ki skul bad ki kolej, kaba la sdang naduh hyn nin ka sngi. Kane ka dei ka hukum ha ka sien kaba ar, ba la pynmih da ka sorkar Jylla.
Kham mynshwa, ha ka shiteng bnai jong u naitung, la khang ia baroh ki skul, namar ba ki don bun bah ki samla pule, kiba la mynsaw, na ka jingshah bom pulit, ha ka jingiakhih ban dawa ILPS.
Ka Joint Coordination on Inner Line Permit System (JCILPS), ka dei ka kynhun jong kiba bun ki sengbhalang, kiba dawa ban pyntreikam ia katei ka ain ILP, ha katei ka Jylla, na ka bynta ban pynneh ia ka jinglong kyrpang jong ki trai Jylla, kiba dei ki Manipuri. Ka ILP, ka dei ka ain, kaba la pyntreikam ha Nagaland, Arunachal Pradesh bad ha Mizoram bad ha Manipur, la weng noh ha U Naiwieng jongu snem 1950.
Ha u naitung jong u snem ba ladep, ka iing dorbar Manipur, ha ka sien kaba ar, ka la rai ban pyntreikam ia katei ka ain “Eastern Bengal Frontier Regulation, 1873”, ha kaba ka la dawa ia ka sorkar India, ba kan pyntreikam noh ia katei ka ain, hynrei ka sorkar India, ka la kyntait.