Shillong: Bun ki dukan ha thaiñ Motphran kila khang ha ka por ba ka seng Hynniewtrep Youth Council ka la pyllong ia ka jingialang ban plie ia u mot dur jong u bah Bull N Lyngdoh bam kwai ha duwar u Blei ha ka sngi Saitjain.
La iohi ba ki dukan ki bar jylla ki la khang lut ha sawdong ka thaiñ Motphran, lait noh tang ki katto katne.
Ka HYC kala plie ia u mot sahnam u bah Bull uba dei u nongialam barim ka KSU uba ju iakhih ban beh ia ki mynder ha ki snem 1980.
Ha kane ka sngi, ka HYC kala plie ia une u mot na shi ryngieng jong u bah Bull uba la tei pyrshah u Motphran.
La sakhi lang u rangbah shnong ka Malki, bah PK Sohtun, Mawkhar bah Arwan Tariang, kiba ha ïing hasem u bah Bull uba dei na shnong Malki, bad kiwei nalor u nongohdur ia u mot u bah Rapheal Warjri bad kiwei.
Haba kren ha kane ka jingialang, ki nongkren kila pyrto ia ki kam ba radbah u bah Bull U briew u bym ju tieng bym ju riej bad dek na ka jingshlur u bah Bull ba kiba bun ki kam kila urlong, watla ula khlad noh ha ka rta kaba dang lyngkot.
U bah Roykupar Synrem u President ka HYC ula ong ba ai ba ka snam jong u bah Bull, u Tirot Sing, u Kiang Nangbah kan tuid ha ki samla jong kane ka pateng.
Ula ong ba ka seng ka la rai ban pynieng ia u mot u bah Bull ha Motphran namar ba ka dei ka jaka ha kaba u bah Bull ula ju pyllong kawei na ka rynsan ban iakhih ia ki mat ka jaitbynriew bad dei na Motphran ba u bah Bull u pyllong ia ka jingiakhih na bynta ka dawbah jong ka jaitbynriew.
ki dikhar ki sngewthuh ba ngi dei tang ki nongwei kumta kim nud ban plie iaki dukan, hynrei dei ki khasi ingkhongshalangmat hi kiba ai permission ban plie dukan lane ban shna dukan.