Khang kit trok palat pud

Shillong,21Naiwieng:
Ka Jaintia Youth Organisation, JYO lyngba u President jong ka u Bah Banker Lymba ka la pyntip ba shen kan sa leit ban jurip dalade hi ia ki trok kiba kit dewiong kiba leit sha Bangladesh bad kiba kit palat pud. Ka seng ka la ong ba kham mynshuwa u DC u la pynbna ba ym shah ban kit palat ia ka 9 ton hynrei mynta pat ki trok ki kit kumba 22 ton eiei bad katei ka wanrah jingma ia ka surok ba pyndonkam paidbah. Ka seng ka la ong ba kan leit ban jurip bad ban khang dalade hi ia kitei ki trok namarba ka sorkar kam shym la leh eiei watla ka seng ka la dep ban ujor la slem.