Khang ki kompeni Ashok Leyland, kompeni Maruti, Hero, Tata, Maruti

Ka kompeni Hinduja, kaba pynmih ia ki kali Ashok Leyland mynta ka sngi, ka la pynbna ban sangeh noh shwa shipor ia ka jing pynmih kali jongka, na ka daw, ba ka duna palat ka jingiaid jong ki kali jongka ha kine ki sngi.

Ka jaka trei kam jong katei ka kompeni ha Chennai, ka la pynbna ban khang trei kam 16 sngi bad katei kan kynthup ia san sngi ha Hosur (Tamil Nadu), 10 sngi ha Alwar (Rajasthan) bad ha Bhandara (Maharashtra) bad nangta sa 18 sngi ha Pantnagar (Uttarakhand).
Ha u bnai ba ladep, ka kompeni TVS Group kaba na Chennai, kaba dei ka kompeni jong ka Sundaram Clayton, kaba pynmih ia ki tiar Maruti Suzuki bad nangta ia ki tiar jong ka Hero MotoCorp, ka la rai ban sangeh noh ia ka jingtrei kam jongka, namar ba ym don jingdawa ia ki mar ki mata ha iew.
Na ka liang ka Tata Motors bad ka Mahindra & Mahindra, ki la rai ban pynsangeh shwa ia ka jing pynmih kali, ba kan nym thut ka jingdawa ia kitei ki mar ha iew ha hat.
Kat jing pynmih jingkhein mynta ka sngi, ka pyni ba ki kali kamai ki lah die tang 31.57 percent lane kaba long 196,524 tylli ha U Nailar, kaba dei ka jinghiar kaba jur bha, kaba la iai bteng la shiphew bnai kynthih bad kane ka dei ka sien kaba sniew iew shi katdei naduh u snem 1997-98.