Khang khyrdep ka JSU, ia baroh ki bank ba ki trei kam ha Jowai

Jowai: Myn hynnin ka sngi kaba dei ka sngi leit on tep ia u Lamphang ka Iing Dorbar Thaw-ain ka jylla bad haba ka sorkar kala pynbna shuti mynta ka sngi hynrei baroh ki bank kiba don ha Jowai kim shym la burom satia ia katei ka shuti ba la pynbna da ka sorkar.

Halor kane ka Jaintia Students’ Union hapoh ka jingialang u President jong ka Jowai Circle, u Neal Jordan Rymbai bad u General Secretary, u Aplang Lamare ki la hiar ban khang kyrdep noh ia kitei ki bank.
“Kitei ki bank kim shym la burom satia ia ka shuti kaba la pynbna kum ka dak ka jingsngewsih ha ka jylla namar ka jingduh noh ia u Lamphang ka Iing Dorbar kumjuh u nongialam ba ha khmat duh ka party UDP uba la khlad noh na sla kane ka pyrthei”, la ong u President ka JSU uba la bynrap ruh haba baroh ki skul ki college bad wat ki ophis sorkar ki la khang mynta ka sngi, katba ki bank pat baroh ki plie.