Shillong: Ka sorkar Meghalaya, ka la khang ban die ia ka um jong ka kompeni Bailey bad kumjuh ia u soda Bailey. Ka Um Bailey, ka dei kaba la khleh ha M/S Padmesh Beverages, Satgaon, Udayan, Vihar, Kahilakuchi, Guwahati.
La bthah ruh ia ki briew jong ka tnat mar bam, ba kin kurup ia katei ka um dih bad ba kin phah sha Guwahati, na ka bynta ban eksamin, la ka long ne em kaba bit ban dih ki briew.
Katei ka dei ka hukum, kaba la pynmih da ka sorkar Meghalaya, hadien ba ka sorkar Assam ruh ka la khang ban pyndonkam ia katei ka um dih. La bthah ruh ia baroh ki dukan, ba kim bit ban die ia katei ka um dih, tad haduh ban da lap ia ka jingshisha halor ka jinglong jong katei ka um dih.