Khang ka sorkar Manipur, ia ki kali kit nongpang ban pyn pah siren

IMPHAL: Ka sorkar Manipur, ka la pynmih hukum mynta ka sngi, ban khang pyrshah ia ki kali kit nongpang, ba kin pyn pah ia ki siren jongki, haba ki iaid lynti ban kit nongpang. Ha katei ka jingbthah, la ong ba katei kan pynduna ia ka jingtieng bad ka jing khuslai mynsiem jong ki paidbah, khamtam ha kaba kum kane ka por jong ka khlam covid.

Ka jingbthah jong ka sorkar jylla, ka kren shai, ba ia ki siren, lah ban pyn donkam, sa tang lada ka don ka jingdheng kali.

Kiba pang covid ha Manipur mynta ka sngi, ki long 624 ngut bad haba khein lang, ki la poi sha ka 40,683 ngut bad kiba iap, ki la poi baroh sha ka 612, da ka jingiap jong ki 20ngut mynta ka sngi.