Khang ka sorkar Assam, ia ka iew Beltola

Guwahati: Ki bor pyniaid District jong ka Kamrup (Metro), ki la khang noh ia ka iew Beltola, kaba ju pynlong man ka sngi bad nangta kaba pynlong ruh ar sien shi taiew, naduh ka sngi palei.

Ka jingkhang ia katei ka iew, ka dei namar ba ka la nang kiew jur ka jingpang khlam covid 19 ha katei ka thain.

U Additional Deputy Commissioner bad U Chief executive officer jong ka Kamrup District Disaster Management Authority, ha ka hukum ba la pynmih hynnin ka sngi, u iathuh ba ka daw, ka long namar ka jing ia lum paidbah ha katei ka thain bad ba kim ia jngai iwei ia iwei pat bad dei na kata ka daw, ba ka jingpang covid 19, ka nang kiew jur ha ka nongbah Guwahati bad kumta, la khang noh ia kitei ki ar tylli ki iew jong ka Beltola.