U Atul Bora, myntri kam rep ka sorkar Assam, u iathuh ba ka sorkar Jylla, ka la khang ban die doh sniang ha katei ka Jylla. La shim ia katei ka rai, hadien ba ki la don ki sniang kiba iap ha ki khyndiat sngi ba ladep, ha ki bynta bapher jong ka Jylla.
U Bora, u iathuh ba ha ki hynriew tylli ki District jong ka Dhemaji, Lakhimpur, Dibrugarh, Sivasagar, Jorhat bad Biswanath, ki la don 1,964 tylli ki sniang kiba iap khlem daw bad la iathuh ba ha Sivasagar, ki don 1,128 tylli kiba iap.
La bthah ia ki bor District, ba ia kitei ki sniang, dei ban tep ha ka jaka tep kaba jylliew hynriew phut bad dei ban synreit da ka dawai pyniap khniang ia kitei ki sniang ba la iap.
La phah ia kitei ki doktor, sha kitei ki district ba kin leit jurip halor katei ka jingioh pang jong kitei ki sniang bad la sam shibun ki dawai swine flu, ha kaba ki don kiba la jem na ka jingpang bad ki don pat ki bym shym la iarap satia.
Shane sha thain Umsning ruh jurbha ka jingiap ki sniang khun mynta…tip dei na kaei, sngewbha share lem no District animal and veterinary officer Ribhoi ban pyntip halor kane…