Khang ka Shnong Mukhaialong ia kiba nabar ban rung shapoh Shnong

Shillong: Ka Shnong Mukhaialong ka la khang ia ki briew nabar shnong ban rung shapoh Shnong khlem da ioh jingbit na ka bor shnong.

Ka shnong ka la khang ban rung naduh ia kiba wan trei bylla, kiba wan iaid Kai bad ruh ia ki samla pule na ka shnong bawan nabar jylla dei ban ai jingtip sha ki nongialam Shnong shwa ba kin poi sha shnong.

Ka bor shnong ka kyrpad jur ruh ia ki paid nongshong ba kin ialeh ban shong hapoh iing bad ban iajngai shi meter na iwei pa iwei, ha kum kane ka por ba pynjari Curfew ne Lockdown ban iada bad banlait na u khniang covid 19.Ka bor shnong ka la khang ruh ban die iabaroh ki jait doh hapoh shnong, lait noh ka pylleng.Ka bor shnong ka la mana ruh ia ki kali kiba wan nabar shnong ba kim bit ban pynieng kulmar hapoh shnong.Kabor Shnong ka kyrpad iabaroh ban iatreilang bad ka bor shnong bad ruh khamtam bad ka bor sorkar ha kum kane ka por ba pynjari Curfew na ka daw ka jingma na u khniang covid19 ha ka pyrthei baroh kawei, khnang ban lait na ka jingma da kaba shaniah ruh ha u Blei trai kynrad.