Khang ka Mawryngkneng ban shong Lum jingtep

Shillong,13 Jymmang:
Ka Dorbar Shnong Mawryngkneng ba la long ha ka 8 tarik mynta u bnai  ka la shim ka rai ban khang pyrshah ia kino kino ki briew ba kin leit shong kai bad lehkamsniew  ha ki lum  jingtep kiba don hapoh shnong Mawryng kneng. Ka DS ka la khang hadien ba ka  la ioh ia ka jingujor na ki paibah nong shong shnong ia ki jingdon ki briew kiba ju leh kam sniew da kaba iadih kyiad, khalai bad kiwei pat ki kam sniew hapoh ki jaka lum jingtep khamtam ha ki por mynmiet myniong.
La iata sani bha ruh ha ka dorbar hadien ba la iohi ia ka jingsaphriang ka khubor mane ksuid hapdeng ki khynnah samla da kaba leit shongkai sha ki lum jingtep bad pynpra ia ki pynpra ia ki diengphna ha ki lum jingtep briew.
Haba iadei bad kane kam, na ka liang u sordar shnong ka Mawryngkneng, u bah peter lawai u la bthah ia officer in charge jong ka Mawryngkneng PS ban iaid pahara ha ki jaka lum jingtep hapoh shnong Mawryngkneng khnang ban tem ia kino kino ki jingsniew ha kitei ki jaka.