Khang ka Israel, ia ka iaid ka ieng ki shipai, ha khappud Gaza, pynkhreh ia ka thma ryngkew

Ka thma hapdeng ka Israel bad ki ehrang Hamas, ka la poi mynta sha ka sngi ba hynriew. Ki shipai Israel, ki la ther tyngeh, ia ki ktem jong ki ehrang Hamas, ha kaba kiba iap, ki la poi mynta, sha ka 3hajar ngut baroh, haba khein lang ia baroh ar liang bad kiba iap, ki dei bun ki riew paidbah.

Ka jinghiar thma ryngkew ka Israel, la iohi, kumba ka la thikna bha mynta ka sngi, namar ba ka la khang ia ka leit ka wan jong ki shipai, ha katei ka thain hi baroh kawei. La iathuh ba ki shipai, kiba la pynkhreh bha, ki don mynta ha khappud jong ka Gaza bad la ai jingkhein, ba ki shipai Israel, ki don kumba 3lak ngut, ha khappud jong ka Israel bad ka Gaza.