Khang ka HYC ia ki ophis bad ki bank ba kim burom ia ka shad Nongkrem

Shillong: Ka HYC Shillong City myn hynnin ka sngi ka la leit ban khang khyrdep ia bun tylli ki ophis bad ki Bank kiba don hapoh ka nongbah Shillong kiba don naduh Motphran haduh ka thain Keating road  bad kumjuh ruh ha kiwei kiwei ki jaka kynthup ha ka thain Nongthymmai ia kaba la leit ban khang khyrdep da ki dkhot jong ka HYC Nongthymmai Circle.
            Ka jingleit khang jong ki dkhot ka seng ia kine ki jaka treikam ka dei halor ka nongrim ba kim shym la burom bad niew kyntang ia kane ka Sngi kaba dei ka sngi shuti ia ka jingrakhe ia ka Pomblang Syiem kaba long ka sngi kaba kyrpang ia ka jaitbynriew hi baroh kawei.
  Ka seng lyngba kane ka kyrwoh ka maham jur ia baroh ki ophis sorkar bad ki Bank ba ki dei ban burom ia baroh ki sngi kyrpang jong ka Jaitbynriew bad kam dei ka bynta ba kin khang tad haduh ba da wan ban tuklar da ki dkhot jong seng bad lada ki dang ia bteng ban plie ia ki jaka treikam jong ki ha ki sngi shuti jong ka Jaitbynriew ka seng kan leh da kaba tyngeh. Kane ka long ka kyrwoh na u  bah Enlang Sawian u General Secretary HYC Shillong City.