Nongpoh: Ki nongialam ka Hynñiewtrep National Youth Front (HNYF), Northern Region, mynta ka sngi ki la leit ban khang ia ki katto katne tylli ki bank ha Nongpoh, namar ki la plie ne treikam wat haba ka sorkar jylla ka la pynbna shuti ha kane ka 31 tarik u Naitung, kaba dei ruh ka sngi kyrpang ba ka sorkar jylla ka la leh don burom khadduh ia u Dr. Donkupar Roy, Lamphang ka jylla (Bam Kwai ha Dwar u Blei).
Haba kren sha ki lad pathaikhubor, u Bah Donroy Kshiar, Asst General Secretary ka HNYF, NR, u la ong ba ka nongrim kaba la pynlong ia ka seng ban leit khang ia kitei ki Bank, ka dei hadien ba ki la ioh jingtip ba kitei ki Bank, ki la plie bad treikam khlem da burom ia ka sngi, kaba ka sorkar jylla ka la burom ia ka sngi Leh burom khadduh ia u Lamphang ka jylla.
Halor kane ka nongrim, ka HNYF, NR, ka la leit ban khang ia ki bank kiba kynthup naduh ka State Bank of India, ka Axis Bank, ka Canara Bank, Bhandhan bank bad kiwei kiwei, kumta ka seng ka la khang syndon ia kitei ki bank.
Phi don ban ong eiei?