Khang ka elekshon komishon, ban pyllait paidbah ia ka phlim shaphang U Modi

Ka  Election Commission mynta ka sngi, ka la khang pyrshah ban pyllait ia ka phlim kaba pyni shaphang ka jingim jong U Narendra Modi, kaba la ak da U Vivek Oberoi. Katei ka dei ka phlim, ka ban pyllait paidbah lashai ka sngi.

Ka komishon, ka la rai ruh ban thaw ia ka komiti ban khlieh da u nongbishar ba la shongthait jong ka  Supreme Court, halor ki jing ujor bapher, kiba iadei bad ka jingthaw ia katei ka phlim, khamtam ia ka bynta jong ki arngut ki nongshim bynta kiba la tip kum ka NTR Laxmi bad U Udyama Simham.

Ka hukum jong ka Election Commission, ka dei hadien khyndiat kynta ba ka censor board, ka la mynjur ban pyllait paidbah ia katei ka phlim.