Shillong: U don uwei u briew, uba ioh pang khlam corona virus ha Unique, hajan DCIC, Polo short round road, Lawmawli bad ka jingwad ia kito kiba ula ia kynduh, ka dang iaid shakhmat.
Halor katei ka jingjia, kumta ka Deputy Commissioner, East Khasi Hills, lyngba ka hukum kaba ha ka 1tarik Nailur 2020, ka la khang ia ka Unique, kaba don hajan DCIC, Polo short round road, Lawmawli, haduh ban da pynbeit da kumwei pat.
Ha kawei pat ka khubor, la iathuh ba u don uwei u briew, uba ioh pang covid 19 ha Quality Auto Agency, Keating Road bad ka donkam ka jingwad ia kito kiba ula ia kynduh bad kumta la khang noh ia katei ka dukan, naduh ka 1tarik Nailur 2020, haduh ban da pynbna da kumwei pat.
Ha kawei pat ka hukum, la pynbna ban khang shwa ia ka Elite Drugs Distributor, RPG Complex, Keating Road, naduh ka 1tarik Nailur 2020, na ka daw ka jingdon jong u briew, uba ioh pang covid 19 ha katei ka dukan.
Nangta la khang ruh shipor ia ka Photo Studio, kaba don ha pyrshah jong ka UCO Bank, GS Road, naduh ka 1tarik Nailur, na ka daw, ba u don uba ioh pang covid 19, uba leit rung ha katei ka dukan.
Nangta la khang ruh shipor, ia ka dukan jong ka RK Bros, kaba don ha Keatinge Road, naduh hynnin ka sngi, na ka daw ba u don uba ioh pang khlam corona virus, uba la leit rung ha katei ka dukan.
Phi don ban ong eiei?